美國戶外運動鞋履品牌KEEN首間pop up store最近終於進駐咗銅鑼灣啦,呢個品牌以運動涼鞋、服飾做主打,今次仲同步推出日本限定嘅UNEEK聯乘鞋款,值得運動迷留意!
品牌喺香港首間嘅pop up store以美國總部嘅紅磚設計做主調,裝修非常型格。
而以運動涼鞋同服飾做主打嘅KEEN當然唔少得佢嘅signature鞋款UNEEK,係一對用兩條鞋繩同一個鞋墊織出高保護、舒適通爽嘅水陸兩用鞋,有好高嘅抓地力同速乾效能。
而今次同步推出嘅日本限定鞋款有X-Girl別注純黑版,呢個鞋款特別用咗8 mm寬織帶,鞋內面印咗KEEN同X-Girl嘅logo圖案,而腳踝位嘅側邊就印咗X-Girl嘅logo,時尚感十足!
仲有另一個鞋款就係mita sneakers嘅別注版(價錢:$890),佢嘅設計係由品牌主理人同創意總監國井榮之親自操刀架,以簡約設計配襯鐵網圖案,同樣潮味十足。
地址:銅鑼灣白沙道10號舖
登入 瀏覽文章可賺取積分